ខេត្តកំពង់ចាម៖សមត្ថកិច្ចជំនាញគ្រឿងញៀនខេត្តកំពង់ចាម សហការជាមួយកម្លាំងសមត្ថកិច្ចមូលដ្ឋានស្រុកចំការលើ និងស្រុកស្ទឹងត្រង់ បានធ្វើការស្រាវជ្រាវរហូតឈានដល់ការឃាត់ខ្លួន ជនសង្ស័យប្រុស ស្រីចំនួន០៤នាក់ បានជាបន្តបន្ទាប់ដែលពាក់ព័ន្ធករណីគ្រឿងញៀន។
សូមជម្រាបដែរថាការចាប់ឃាត់ខ្លួនជនសង្ស័យប្រុស ស្រីទាំង០៤នាក់នេះ បានធ្វើឡើងកាលពីថ្ងៃទី០៨ ខែវិច្ឆិកា ឆ្នាំ ២០១៨ម្សិលមិញនេះ ស្ថិតនៅត្រង់ចំណុចចំការចន្ទី ស្ថិតក្នុងភូមិប៉ប្រក់ ឃុំសូភាស ស្រុកស្ទឹងត្រង់ ខេត្តកំពង់ចាម ។បើតាមសមត្ថកិច្ចបានឲ្យដឹងថា ជនសង្ស័យប្រុស ស្រីទាំង០៤នាក់នោះរួមមាន:
ទី១/ឈ្មោះ យ៉េន យ៉ាន ភេទប្រុស អាយុ៣០ឆ្នាំ មុខរបរមិនពិតប្រាកដស្នាក់នៅភូមិប៉ប្រក់ ឃុំសូភាស ស្រុកស្ទឹត្រង់ ក្រុងកំពង់ចាម។
ទី២/ឈ្មោះ កិន ស្រីណម ហៅ ស្រី ភេទស្រី អាយុ២៦ឆ្នាំមុខរបរមិនពិតប្រាកដ នៅភូមិថ្មី(បាំង១) ឃុំបុសខ្នុរ ស្ស្រុកចំការលើ (មានដីកាចំនួន០២គឺ១-ដីកាបង្គាប់អោយនាំខ្លួន ករណីជួញដូរនិងប្រើប្រាស់ដោយខុសច្បាប់នូវសារធាតុញៀនកាលពីថ្ងៃទី១០.០៩.២០១៦ ប្រព្រឹត្តិនៅភូមិ៣០ ឃុំតាអុង ស្រុកចំការលើ។
២-ដីកាបង្គាប់អោយចាប់ខ្លួនពិរុទ្ធជន ករណី ជួញដូរដោយខុសច្បាប់នូវសារធាតុញៀន កាលពីថ្ងៃទី២២ ខែមិថុនា ឆ្នាំ២០១៧ ប្រព្ប្រព្រឹត្តិនៅភូមិអំពិលលើ ឃុំអំពិលលើ ស្រុកកំពង់សៀម ខេត្តកំពង់ចាម។
ទី៣/ឈ្មោះ សេន គីមលី ភេទប្រុស អាយុ២២ឆ្នាំ ជាតិខ្មែរ នៅភូមិ៣៥ ឃុំបុសខ្នុរ ស្រុកចំការលើ ខេត្តកំពង់ចាមនិង។
ទី៤/ឈ្មោះ ហេង ធារ៉ូ ភេទប្រុស អាយុ១៩ឆ្នាំ ជាតិខ្មែរ នៅភូមិ៣៥ ឃុំបុសខ្នុរ ស្រុកចំការលើ។
ក្រោយពីឃាត់ខ្លួនជនសង្ស័យទាំង០៤នាក់ខាងលើសមត្ថកិច្ចរឹបអូសបាននូវវត្ថុតាងរួមមាន:ម្សៅក្រាមពណ៌សសង្ស័យជាថ្នាំញៀនចំនួន០៨ កញ្ចប់ធំ ទូរស័ព្ទដៃចំនួន០៣គ្រឿង ម៉ូតូ០១គ្រឿងនិងសម្ភារវេចខ្ចប់មួយចំនួន។
បច្ចុប្បន្នជនសង្ស័យខាងលើកំពុងឃាត់ខ្លួនបណ្តោះអាសន្ននៅស្នងការដ្ឋាននគរបាលខេត្តកំពង់ចាម ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនិតិវិធី៕