ខេត្តតាកែវ៖នាព្រឹកថ្ងៃច័ន្ទ ០៧រោច ខែជេស្ឋ ឆ្នាំកុរ ឯកស័ក ព.ស២៥៦៣ត្រូវនឹង ថ្ងៃទី២៤ ខែមិថុនា ឆ្នាំ២០១៩ ឯកឧត្តម ឧត្តមសេនីយឯក ជុក គឹមហួរ អគ្គនាយករង នៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ បានអញ្ជើញជាអធិបតីក្នុងពិធីបិទសវនកម្មផ្ទៃក្នុង សម្រាប់ការិយបរិច្ឆេទ២០១៨ និងបណ្ដាឆ្នាំពាក់ព័ន្ធ នៅសាលប្រជុំស្នងការដ្ឋាននគរបាលខេត្តតាកែវ។
សមាសភាពដែលអញ្ជេីញចូលរួមក្នុងអង្គពិធីរួមមាន ឯកឧត្តម ឧត្តមសេនីយ៍ទេា សុខ សំណាង ស្នងការនគរបាលខេត្តតាកែវ និងបណ្តាអស់លេាក ឧត្តមសេនីយត្រីស្នងការរង នគរបាលខេត្ត ប្រតិភូអមដំណេីរក្រុមការងារសវនកម្មក្រសួង និងបណា្តអស់លេាកនាយ នាយរងការិយាល័យជំនាញ លេាកអធិការ អធិការរង និងប៉ុស្តិ៍នគរបាលរដ្ឋបាល តាមបណា្តក្រុង ស្រុក សរុបចំនួន២៩៧នាក់ផងដែរ។
ឯកឧត្តមឧត្តមសេនីយ៍ឯក ជុក គឹមហួរ អគ្គនាយករង នៃអគ្គនាយកដ្ឋានសវនកម្មផ្ទៃក្នុងក្រសួងមហាផ្ទៃ បានមានប្រសាសន៍សំណេះសំណាលដេាយបានគូសបញ្ជាក់ថាជំនួសមុខអោយសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចសូមផ្ដាំផ្ញើសាកសួរ សុខទុក្ខថ្នាក់ដឹកនាំ និងកងកម្លាំងនគរបាលទាំងអស់ និងក៏សូមសម្ដែងនូវការកោតសរសើរ ចំពោះកងកម្លាំង និងថ្នាក់ដឹកនាំទាំងអស់ ដែលបានយកចិត្តទុកដាក់ក្នុងភារកិច្ច ជំនាញរបស់ខ្លួនក្នុងការថែរក្សាសន្តិសុខ សុវត្ថិភាព ជូនប្រជាពលរដ្ឋ ពិសេសក៏សូមកោតសរសើរផងដែរ ចំពោះការយកចិត្តទុកដាក់សហការល្អ ធ្វើឲ្យកិច្ចដំណើរការការងារសវនកម្ម ដំណើរការបានល្អ។
ក្នុងគេាលដៅតម្រង់ទិសឆ្ពោះទៅរកការអភិវឌ្ឍន៍ឲ្យមានភាពសុក្រិត្យត្រឹមត្រូវ ក្នុងការងារគ្រប់គ្រងដឹកនាំកងកម្លាំង អំពីការងារគ្រប់គ្រងចាត់ចែងកញ្ចប់ថវិកា ការគ្រប់គ្រង
ចាត់ចែងប្រេងឥន្ធន: សម្ភារបរិក្ខាផ្សេងៗ ដែលជាគោលរបបរបស់ក្រសួងមហាផ្ទៃ និងអំពីការគ្រប់គ្រងប្រើប្រាស់ ថែរក្សាទ្រព្យសម្បត្តិរដ្ឋឲ្យបានត្រឹមត្រូវ នូវលិខិតបទដ្ឋាន គតិយុត្ត ការធ្វើសវនកម្ម គឺជាការពង្រឹងប្រសិទ្ធភាពស្ថាប័ន៕
