រដ្ឋបាលសាលាខេត្តព្រះសីហនុ បានចេញសេចក្តីប្រកាសព័ត៌មាន អំពីកំណើនអ្នកស្លាប់ និងជនរងគ្រោះដែលរងរបួស ហើយក៏បានថ្លែងអំណរគុណយ៉ាងជ្រាលជ្រៅចំពោះវត្តមាន របស់ សម្ដេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា នៅកន្លែងគំនរបាក់រលំអគារ ៧ជាន់ ខេត្តព្រះសីហនុ !!!!!!

រដ្ឋបាលសាលាខេត្តព្រះសីហនុ បានចេញសេចក្តីប្រកាសព័ត៌មាន អំពីកំណើនអ្នកស្លាប់ និងជនរងគ្រោះដែលរងរបួស ហើយក៏បានថ្លែងអំណរគុណយ៉ាងជ្រាលជ្រៅចំពោះវត្តមាន របស់ សម្ដេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា នៅកន្លែងគំនរបាក់រលំអគារ ៧ជាន់ ខេត្តព្រះសីហនុ !!!!!!

ដោយះ លោក ហួ ម៉េងហួង
ចេញផ្សាយថ្ងៃ ចន្ទ័ ៦រោច ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី ២៤ ខែមិថុនា ឆ្នាំ ២០១៩
ព័ត៌មានជាតិ

ខេត្តព្រះសីហនុ:

យោងតាមសេចក្តីប្រកាសព័ត៌មាន របស់រដ្ឋបាលសាលាខេត្តព្រះសីហនុ គិតត្រឹមម៉ោង  ៤  :៣០នាទីរសៀល0ថ្ងៃទី ២៤ ខែមិថុនា ឆ្នាំ ២០១៩ ក្រុមប្រតិបត្តិការជួយសង្គ្រោះ រុះរកឃើញជនរងគ្រោះ បន្ថែមបានចំនួន ៤នាក់ទៀតដែលក្នុងនោះ មានពីរនាក់នៅរស់រានមានជីវិត ។ ដូចនេះជនរងគ្រោះដែលបានយកចេញពីគំនរបាក់បែក នៃអាគារបាក់រលំ មានចំនួនសរូប ៥៤នាក់ក្នុងនោះអ្នកស្លាប់មានចំនួន ២៨នាក់ ស្រី០៤នាក់ និងអ្នករងរបួសមានចំនួន២៦នាក់ ស្រី០២នាក់ហើយចំពោះជនរងគ្រោះដែលបាត់បង់ជីវិត ត្រូវបានក្រុមគ្រួសារមកបំពេញឯកសារ ទទួលយកសពទៅធ្វើបុណ្យតាមប្រពៃណីបានចំនួន ២៤ សពរួចហើយ។

អ្នកនាំពាក្យរដ្ឋបាលសាលាខេត្តព្រះសីហនុ បានអោយដឹងថា ក្រុមប្រតិបត្តិការរុះរកជនរងគ្រោះនៅតែបន្តសង្គ្រោះរហូត ដល់យកជនរងគ្រោះចែញអោយអស់ពីគំនរបាក់បែកនៃអាគារបាក់រលំសូមបញ្ជាក់ថា មកទល់ពេលនេះ គំនរបាក់បែកត្រូវបានក្រុមការងារជួយសង្គ្រោះ ធ្វើការករកាយលើកចេញបានចំនួន ប្រមាណជា ៨៥ ភាគរយហើយ ។ ជាមួយគ្នានេះផងដែរ ក្នុងនាមក្រុមការងារជួយសង្គ្រោះទាំងអស់ និងព្រមទាំង រដ្ឋបាលសាលាខេត្តព្រះសីហនុ សូមថ្លែងអំណរគុណយ៉ាងជ្រាលជ្រៅជាទីបំផុតចំពោះ វត្តមានដ៏ខ្ពង់ខ្ពស់ របស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលសម្ដេចបានអញ្ជើញចុះត្រួតពិនិត្យ និងដឹកនាំបញ្ជាផ្ទាល់នៅទីតាំងកើតហេតុទាំងវេលាកណ្ដាលអធ្រាត្រ បន្ទាប់ពីបានបញ្ចប់បេសកកម្មក្រៅប្រទេស។

វត្តមានដ៏ខ្ពង់ខ្ពស់ របស់សម្តេចតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជាគឺពិតជាបានផ្តល់នូវ កម្លាំងចិត្តដ៏ធំធេងដល់ក្រុមគ្រួសារជនរងគ្រោះ ព្រមទាំងបានលើកទឹកចិត្តដល់ក្រុមការងារជួយសង្គ្រោះដែលកំពុងចូលរួមយ៉ាងសកម្មនៅក្នុងប្រតិបត្តិការរុករកជនរងគ្រោះដែលនៅសល់ក្រោមគំនរអគារបាក់រលំនេះ អោយកាន់តែបានឆាប់រួចរាល់ជាស្ថាពរ ។ ហើយរដ្ឋបាលសាលាខេត្តព្រះសីហនុ ក៏បានប្រកាសជូនបងប្អូនសាច់ញាតិដោយសង្ស័យថាមានគ្រោះថ្នាក់នៅក្នុងឧបទ្ទវហេតុនេះ សូមទំនាក់ទំនងសាកសួរព័ត៌មាន តាមរយះលេខទូរស័ព្ទ:០១៦ ៥២៦ ៥២០ និង ០១៦ ៣២១ ០១០ ៕

ដោយះ គេហទំព័រ សម្លេងជាយដែន
https://www.cdv-news.com/