ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 49 42 11 / 097 95 55 584 E-mail: cheaydenvoice-news@gmail.com
ព័ត៌មាន​ថ្មី
កិច្ចប្រជុំត្រួតពិនិត្យ​ តាមដាន និងវឌ្ឍនភាពការងា​រត្រៀមរៀបចំ និងសម្របស​ម្រួលក្នុងអំឡុងពេល នៃកិ​ច្ចប្រជុំ​គណៈអចិន្រ្តៃយ៍ ​របស់សមាគម​តុលាការធម្មនុញ្ញ​ហ្រ្វង់កូហ្វូន (ACCF) »» ប្រទះឃើញ​សពបុរសម្នាក់ លង់ទឹកប្រឡាយ៣០កញ្ញាស្លាប់ »» ទំនិញហួស​កាលបរិច្ឆេទ ​ចំនួន៤មុខ ដែលមន្ត្រីសាខាកាំកុ​ងត្រូល​ខេត្តព្រះវិហារ រកឃើញ​នៅ​តាមផ្ទះ​លក់ទំនិញនានា ​យកទៅដុតកម្ទេចចោល »» ក្រុមច​លនា​យុវជន១៥៧ ក្រុង​ប៉ោយប៉ែត នាំយក​ថវិកាសប្បុរស​ជន ជូនក្រុមគ្រួសារសព ​ទីទាល់ក្រ »» សន្និបាតសា​ខា ​កាកបាទ​ក្រហមកម្ពុជា ខេត្តកំពង់ចាម អាណត្តិទី៥ នៅ​ក្នុងបរិវេណ​សាលប្រជុំ​សាលា​ខេត្ត »» ស្នងការរងនគរបាល ​ខេត្តព្រះសីហនុ ​បង្ហាញមុខក្រុមចោប្លន់ ចំនួន០៤នាក់ »» ចាប់ខ្លួនជនដៃដល់ម្នាក់ ករណីរំលោភ​បូកស្ដ្រីជ​នជាតិ​បារាំងម្នាក់ នៅក្រុង​កំពត ខណៈ២នាក់ទៀត កំពុង​រត់គេចខ្លួន »» លោកស្រីកិត្តិសង្គហបណ្ឌិត ម៉ែន​ សំអន ជំរុញ​ឲ្យ​អគ្គអធិការ នៃអគ្គលេខា​ធិការដ្ឋាន អធិការកិច្ច​រដ្ឋាភិ​បាល​វៀតណាម​ ជួយពង្រឹងបន្ថែមទៀតដល់វិទ្យាស្ថាន​ជាតិ អធិការកិច្ច ជាពិសេសផ្នែកស្រាវជ្រាវ និង​បោះពុម្ពផ្សាយ និងផ្តល់គ្រូជំនាញ »» រដ្ឋបាលខេត្តសៀមរាប​ បើកវគ្គបណ្ដុះបណ្ដាល ​ស្ដីពីការគ្រប់គ្រង​និង អភិបាល​កិច្ចលើ​ការងារ​ព្យាបាល​ និងស្ដារនី​តិសម្បទា អ្នកញៀនគ្រឿងញៀន​នៅកម្ពុជា »» រដ្ឋ​បាល​ខេត្ត​កំពត ប្រារព្ធ​ពិធី​គោរពព្រះ​វិញ្ញាណក្ខ័ន្ធ និង​ថ្វាយ​ព្រះរាជកុសល ដ៏ថ្លៃថ្លា ជូនព្រះករុណា ព្រះបរមរតនកោដ្ឋ​គម្រប់៧ឆ្នាំ

ព្រឹទ្ធសភានីតិ​កាលទី៤ បើកសម័យប្រជុំជាវិ​សាមញ្ញ ប្រកាសទទួល​ស្គាល់សមាជិកថ្មី​ ចំនួន​០៣រូប និង​បោះឆ្នោតជ្រើសតាំង សមាជិកឧត្តម​ក្រុមប្រឹក្សានៃអង្គចៅក្រមចំនួន​០១រូប

ព្រឹទ្ធសភានីតិ​កាលទី៤ បើកសម័យប្រជុំជាវិ​សាមញ្ញ ប្រកាសទទួល​ស្គាល់សមាជិកថ្មី​ ចំនួន​០៣រូប និង​បោះឆ្នោតជ្រើសតាំង សមាជិកឧត្តម​ក្រុមប្រឹក្សានៃអង្គចៅក្រមចំនួន​០១រូប

រាជធានី​ភ្នំពេញ​៖សម្តេចវិបុលសេនា​ភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា បានអញ្ជើញ​ជាអធិបតីដ៏ខ្ពង់ខ្ពស់បើកសម័យប្រជុំជាវិសាមញ្ញ នា​ព្រឹកថ្ងៃចន្ទ ១២កើត ខែស្រាពណ៌ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១២ ខែសីហា ឆ្នាំ២០១៩ វេលាម៉ោង​០៨:០០នាទី នៅ​វិមាន​ព្រឹទ្ធសភាដោយមានរបៀបវារៈ៖

១–ប្រកាសទទួលស្គាល់សមាជិកព្រឹទ្ធសភាថ្មី នីតិកាលទី៤។

២–ការបោះឆ្នោតជ្រើសតាំង​ សមាជិកឧត្តមក្រុមប្រឹក្សានៃអង្គចៅក្រម​ ចំនួន​ ០១រូប​ សម្រាប់ជំនួសសមាជិកដែលត្រូវបញ្ចប់អាណត្តិ។

នៅ​ក្នុងរបៀបវារៈទី១​ដោយយោង​៖

–ព្រះរាជក្រិត្យៈនស/រកត/០៨១៩/១២១២​ ចុះថ្ងៃទី០៥ ខែសីហា ឆ្នាំ២០១៩ របស់ព្រះករុណា​ព្រះបា​ទ​សម្តេចព្រះបរមនាថនរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាត្រាស់បង្គាប់​តែងតាំង​ព្រះអង្គម្ចាស់នរោត្តមប្រីយសោភ័ណ្ឌ ជាសមាជិកព្រឹទ្ធសភាសម្រាប់នីតិកាលទី៤ ជំនួស បន្តពី​សម្តេចរាជបុត្រីព្រះអនុជនរោត្តម អរុណរស្មី ដែលបានសុំលាឈប់ចាប់ពីថ្ងៃទី០១ ខែកញ្ញា ឆ្នាំ២០​១៩។

សេចច​ក្តីសម្រេចរបស់គណៈកម្មាធិការជាតិរៀបចំការបោះឆ្នោតស្តីពីការប្រកាសទទួល​ស្គាល់បេក្ខ​ជនជាប់ឆ្នោតសមាជិកព្រឹទ្ធសភានីតិកាលទី៤ ឆ្នាំ២០១៨​ របស់គណបក្សប្រជាជនកម្ពុជា មណ្ឌល​ភូមិ​ភាគ៧​ (ខេត្តកំពង់ស្ពឺ,​កំពង់ឆ្នាំង,​ពោធិសាត់,​កោះកុង និងខេត្តព្រះសីហនុ) និងមណ្ឌលភូមិភាគ៤​ (ខេត្តបាត់​ដំបង,បន្ទាយមានជ័យ,សៀមរាប,ឧត្តមានជ័យ និងខេត្តប៉ៃលិន)។

លិខិត​របស់គណបក្សប្រជាជនកម្ពុជា ស្នើសុំប្រកាសទទួលស្គាល់សមាជិកព្រឹទ្ធសភាថ្មី ជ្រើសរើស និងជ្រើសតាំង​បំពេញសមាសភាពក្នុងគណៈកម្មការអប់រំ យុវជន កីឡា ធម្មការសាសនា វប្បធម៌ វិចិត្រសិ​ល្បៈ និងទេសចរណ៌ ព្រមទាំងចាត់តាំងបំពេញសមាសភាពក្នុងក្រុមទី២ និងទី៤ នៃក្រុម​សមាជិ​កព្រឹទ្ធសភាជំនួសឯកឧត្តម ឡាយ អ៊ីពិសិទ្ធ និងលោកជំទាវ ស៊ឹង ស៊ីយុត​ ដែលបាន​ទទួល​មរណភាព

•  និងសេចក្តីសម្រេចព្រឹទ្ធសភា នៃព្រះរាជាណាចក្រកម្ពុជា ស្តីពីការទទួលស្គាល់សមាជិកព្រឹទ្ធសភាថ្មីសម្រាប់នីតិកាលទី៤ ចំនួន​ ០៣រូប​ ៖

១–ព្រះអង្គម្ចាស់ នរោត្តមប្រីយសោភ័ណ្ឌ ជាសមាជិកព្រឹទ្ធសភា ចាត់តាំងដោយព្រះមហាក្សត្រ ជំនួសសម្តេចរាជបុត្រីព្រះអនុជ នរោត្តមអរុណរស្មី ដែលបានសុំលាឈប់ ចាប់ពីថ្ងៃទី០១ ខែកញ្ញា ឆ្នាំ២០១៩។

២–ឯកឧត្តម ញ៉ូវ សុង ជាសមាជិកព្រឹទ្ធសភាមណ្ឌលភូមិភាគទី៧ ជំនួសឯកឧត្តម ឡាយ អ៊ីពិសិទ្ធ ដែលបានទទួលមរណភាព។

៣–ឯកឧត្តម ឡោ ឆន ជាសមាជិកព្រឹទ្ធសភាមណ្ឌលភូមិភាគទី៤ ជំនួសលោកជំទាវ ស៊ឹង ស៊ីយុត ដែលបានទទួលមរណភាព។

សម្តេចប្រធានព្រឹទ្ធសភាប្រកាសទូលថ្វាយ និងជំរាបព្រះអង្គម្ចាស់ និងឯកឧត្តមទាំង​ ០៣រូបខាងលើ ត្រូវធ្វើសច្ចាប្រណិធានមុនពេលចូលកាន់ដំណែង​ ហើយស្នើឯកឧត្តមអគ្គលេខាធិការព្រឹទ្ធសភា ចាត់ចែងនីតិវិធីដើម្បីអនុវត្តបន្ត។

ចំពោះរបៀបវារៈទី២​ ៖​ បន្ទាប់ពីស្តាប់ឯកឧត្តមអគ្គលេខាធិការរាយការណ៌ជូនអំពីលទ្ធផលនៃការពិនិត្យសុពលភាព និងរៀបចំបញ្ជីបេក្ខជនឈរឈ្មោះបោះឆ្នោតជ្រើសតាំងជាសមាជិក ឧត្តមក្រុមប្រឹក្សានៃអង្គចៅក្រម ដែលមានបេក្ខជនចំនួន​ ០២រូប​ គឺ ឯកឧត្តម អ៊ុ សារិទ្ធ និងលោក គង់ សារិទ្ធ ដែលមានលក្ខណៈសម្បត្តិ និងឯកសារជូនភ្ជាប់គ្រប់គ្រាន់ទៅតាមល័ក្ខខ័ណ្ឌកំណត់ ហើយបានរៀបចំបញ្ជីសន្លឹកឆ្នោតរូចរាល់ និងបានការសម្រេចផ្តល់សុពលភាពឲ្យបេក្ខជនទាំង​ ០២រូប ឈរឈ្មោះ ដោយអង្គប្រជុំគណៈកម្មាធិការអចិន្ត្រៃយ៍ព្រឹទ្ធសភា កាលពីថ្ងៃទី០៩ ខែសីហា ឆ្នាំ២០១៩,​ អង្គព្រឹទ្ធសភាទាំងមូល​ ក៏បានអញ្ជើញឡើងទៅបោះឆ្នោតជាសម្ងាត់ ដែលទទួលបានលទ្ធផលជាផ្លូវការគឺ ឯកឧត្តម អ៊ុ សារិទ្ធ ត្រូវបានជាប់ជាសមាជិក ឧត្តមក្រុមប្រឹក្សា នៃអង្គចៅក្រម ដោយមានសម្លេងគាំទ្រ​ ៥០សម្លេង​ នៃចំនួនសមាជិកព្រឹទ្ធសភាទាំងមូល ហើយឯ​ក​ឧត្តម​អគ្គលេខាធិការព្រឹទ្ធសភាត្រូវចាត់ចែងការអនុវត្តបន្ត​ ដើម្បីជំរាបជូនរដ្ឋមន្រ្តី​ក្រសួងយុត្តិធម៌​ជ្រាប និងបន្តនីតិវិធី​ ព្រមទាំងផ្សព្វផ្សាយអំពីលទ្ធផលនេះជូនសាធារណជនជ្រាប៕

Filed in: ព័ត៌មានជាតិ, ព័ត៌មានថ្មី, ព័ត៌មានសំខាន់, សន្តិសុខសង្គម
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 49 42 11 / 097 95 55 584

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "សម្លេងជាយដែន"

សារព័ត៌មាន "សម្លេងជាយដែន" ដំណើរការ​តាមប្រកាសលេខ ៤៩១ ពមប្រក ចុះថ្ងៃទី ០១ ខែតុលា ឆ្នាំ ២០១៤

ទីស្នាក់ការ ស្ថិតនៅភូមិទួលពង្រ​ សង្កាត់ផ្សារកណ្តាល​ ក្រុងប៉ោយប៉ែត ខេត្តបន្ទាយមានជ័យ

Tel: 012 49 42 11 / 097 95 55 584

Copyright © 2015 Cheayden Voince News, All right Reserved