ខេត្តកណ្តាល៖កាលពីវេលាម៉ោង១២និង២៥នាទីរំលងអាធ្រាត្រឈានចូលថ្ងៃទី០៧ ខែកញ្ញា ឆ្នាំ២០១៩ មានហេតុការណ៍គ្រោះថ្នាក់ចរាចរណ៍មួយបានកើតឡើង ដោយបុរសម្នាក់បើកម៉ូតូចេញពីកន្លែងផឹកស៊ី ខ្វះការប្រុងប្រយ័ត្ន បណ្ដាលឲ្យបុកខឿនផ្លូវស្លាប់ភ្លាមៗ នៅនឹងកន្លែងកើតហេតុ។
ករណីនេះបានកើតឡើងនៅតាមបណ្ដោយផ្លូវលំ ចូលក្នុងវត្តខ្សុំ ស្ថិតនៅក្នុងភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល។
បើតាមសម្ថតកិច្ចបានឲ្យដឹងថា៖ជនរងគ្រោះមានឈ្មោះ ជួង សុភា ភេទប្រុស អាយុ៣៣ឆ្នាំ មានទីលំនៅភូមិខ្សុំ ឃុំបន្ទាយដែក ស្រុកកៀនស្វាយ ខេត្តកណ្តាល បើកបរម៉ូតូម៉ាក់Smashasពណ៌ខ្មៅពាក់ស្លាកលេខភ្នំពេញ 1BL34 93 បើកបរចេញពីកន្លែងផឹកស៊ីផ្ទះបងប្អូន នៅក្រោយវត្តខ្សុំ។
សមត្ថកិច្ចបន្តថា៖មុនពេលកើតហេតុជនរងគ្រោះខាងលើបានជិះម៉ូតូក្នុងទិសដៅពីលិចទៅកើតតាមបណ្តាលផ្លូលំចូលវត្តលុះមកដល់ចំណុចកើតហេតុក៏បានបុកខឿនផ្លូវវត្តខ្សុំ ពេញទំហឹងបណ្តាលឲ្យស្លាប់នៅកន្លែងកើតហេតុតែម្តង។
ក្រោយពេលកើតហេតុសមត្ថកិច្ចមូលដ្ឋានបានមកដល់កន្លែងកើតហេតុ ក៏ធ្វើការវាស់វែងនឹងពិនិត្យលើសាកសពរកឃើញថា សពពិតជាដួលបោកក្បាលទៅនឹងខឿនផ្លូវពិតប្រាកដមែន ហើយក៏ប្រគល់សពឲ្យទៅក្រុមគ្រួសារសាចញាតិយកទៅធ្វើបុណ្យតាមប្រពៃណី។ចំណែកម៉ូតូរងការខូចខាតស្រាលត្រូវបានបងប្អូនយកមករក្សាទុក្ខនៅផ្ទះ៕