ខេត្តត្បូងឃ្មុំ៖ប្តីជាប់គុកប្រពន្ឋស្លាប់ រីឯកូនប្រុសអាយុ១០ឆ្នាំម្នាក់កំព្រា បន្ទាប់ពីបុរសជាប្តីចាប់ប្រពន្ធរបស់ខ្លួនអារក នឹងកណ្តៀវ មិនស្លាប់បានយកកាំបិត ផ្កាក់កាប់ដាច់ក.ថែមទៀត បណ្តាលឲ្យស្លាប់ភ្លាមៗនៅក្នុងផ្ទះ។
ហេតុការណ៍នេះបានកើតឡើងកាលពីវេលាម៉ោង៤និង៣០នាទីថ្ងៃទី០៦ ខែតុលា ឆ្នាំ២០១៩ ស្ថិតនៅភូមិមុខភ្នំ ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ។
បើតាមសមត្ថកិច្ចបានឲ្យដឹងថា៖ប្តីមានឈ្មោះ ឆយ ឈឿន អាយុ ៥៤ឆ្នាំ បានចាប់គ្រៀកភ្ងើយករប្រពន្ធរបស់ខ្លួនឈ្មោះខាន់ នូច អាយុ៥៦ឆ្នាំ រួចយកកណ្តៀវមកអាករ រហូតជិតដាច់ ខ្លាចមិនស្លាប់បានយកកាំបិត ផ្គាក់មកកាប់ក្បាលមួយកាំបិតទៀត បណ្តាលឲ្យស្លាប់យ៉ាងអាណោចអធមបំផុត។
ដោយបន្សល់ទុកកូនប្រុសម្នាក់ឈ្មោះ ឈឿន ឆាយ ភេទប្រុស អាយុ១០ឆ្នាំ ឲ្យរស់នៅកំព្រា។បច្ចុប្បន្នឃាតករ សមត្ថកិច្ចកំពុងកសាងដើម្បីចាត់ការតាមនិតិវិធី។ចំណែកជនរងគ្រោះ ត្រូវបានសាច់ញាតិយកទៅធ្វើបុណ្យតាមប្រពៃណី៕