លោក គាត ហ៊ុល អភិបាល នៃ គណៈអភិបាល ក្រុង ប៉ោយប៉ែត នាំយក អំណោយ របស់ ឯកឧត្តម នាយឧត្ដមសេនីយ៍ ឧបនាយករដ្ឋមន្ត្រី កែ គឹមយ៉ាន និង លោកជំទាវ ជួយដល់គ្រួសារ លោក មុត សារុនភ្ញាក់ងារ កាសែត កោះសន្តិភាព ដែល គ្រួសារ មានជម្ងឺ !!!!!
ដោយះ លោក ភួង មុនីរដ្ឋ
ចេញផ្សាយថ្ងៃ អាទិត្យ ១៣រោច ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ១៣ ខែកញ្ញា ឆ្នាំ ២០២០
ព័ត៌មានជាតិ
នៅព្រឹកថ្ងៃ អាទិត្យ ១៣រោច ខែភទ្របទ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ១៣ ខែកញ្ញា ឆ្នាំ ២០២០ លោក គាត ហ៊ុល អភិបាល នៃគណៈអភិបាល ក្រុងប៉ោយប៉ែត អមដំណើរដោយមន្ត្រីសាលាក្រុងជាច្រើនអ្នកទៀត បាននាំយកអំណោយ របស់ ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ និងលោកជំទាវ ទៅចែកជូន គ្រួសារ លោក មុត សារុន ភ្ញាក់ងារកាសែតកោះសន្តិភាព ប្រចាំខេត្តបន្ទាយមានជ័យ ដែលលោកមានទុក្ខ ដោយ ប្រពន្ធឈឺដេកពេទ្យបង្អែកដីថ្មីនិងកូនពៅ កើតជម្ងឺឈីក និងម្ដាយរបស់ លោក ដួលបាក់ដៃ ។
នៅក្នុងឱកាសនេះ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានមានប្រសាសន៍ថា អំណោយនេះ ជាការឧបត្ថម្ភពី ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន និងលោកជំទាវ ដែលផ្ដល់តាមរយះ ឯកឧត្តម ឧត្តមសេនីយ៍ឯក ឡាយ គីមលី នាយកខុទ្ទកាល័យ របស់ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន សម្រាប់ជួយដល់ប្រជាពលរដ្ឋ ជួបការលំបាក ជាពិសេស ថ្ងៃនេះ ជួយដល់គ្រួសារ អ្នកសារព័ត៌មាន កោះសន្តិភាព ។
ឆ្លៀតនៅឱកាសនេះផងដែល លោកអភិបាលក្រុងប៉ោយប៉ែត ក៏បានថ្លែងប្រាប់ សារព័ត៌មានថា ពេលនេះឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន បានឧបត្ថម្ភថ្មមិចនិងចំនួន ១ម៉ឺនម៉ែត្រគីប សម្រាប់ កសាងផ្លូវនៅ ក្រុងប៉ោយប៉ែត ហើយ បច្ចុប្បន្ននេះ សាលាក្រុងបាន ធ្វើផ្លូវ បានចំនួន ជាង ៣០គីឡូម៉ែត្រហើយ និងបន្តធ្វើផ្លូវចំនួន ៥០ គីឡូម៉ែត្រ ទៀត យោងទៅ តាមស្ថានភាព ជាក់ស្ដែង គឺ ធាឪកាសធាតុ អំណោយផលអោយ ។ កិច្ចការបន្តគឺការ លោកនឹង អោយក្រុមការងារ ពិនិត្យមើល តាមការជាក់ស្តែង ផ្លូវដែលលំបាក លោកនឹងធ្វើជូនប្រជាពលរដ្ឋយើងភ្លាម ហើយលោកអភិបាលក្រុង ក៏សូមអោយបងប្អូនប្រជាពលរដ្ឋ ក៏ដូចជាអ្នកសារព័ត៌មាន សូមផ្ដល់ព័ត៌មាន ចំពោះផ្លូវ ដែលមានការលំបាកមកដល់លោក ដើម្បីលោកមានវិធានការ ធ្វើផ្លូវនោះ ។
ក្នុងសម័យ លោក គាត ហ៊ុល ធ្វើជាអភិបាលក្រុងប៉ោយប៉ែត គេសង្កេតឃើញ លោកបានខិតខំ កសាងហេដ្ឋារចនាសម្ព័ន្ធ នៅក្នុងក្រុងប៉ោយប៉ែត បានយ៉ាងច្រើន ជាពិសេសផ្លូវ ដែលលោកកំពុង ខិតខំប្រឹងប្រែង ធ្វើជាបន្តបន្ទាប់ ក្រោមការជួយជ្រោមជ្រែង ពីសំណាក់ ឯកឧត្តម នាយឧត្តមសេនីយ៍ ឧបនាយករដ្ឋមន្ត្រី កែ គឹមយ៉ាន និងលោកជំទាវ អ្នកឧកញ៉ា ម៉ៅ ម៉ាល័យ តាមរយៈ ឯកឧត្តម ឧត្តមសេនីយ៍ឯកឡាយ គីមលី នាយកខុទ្ទកាល័យ ឯកឧត្តម កែ គឹមយ៉ាន ។ ហើយលោក អភិបាលក្រុង គាត ហ៊ុល ក៏ចូលរួមកិច្ចការ មនុស្សធម៌ បានយ៉ាងច្រើន នៅតាមមូលដ្ឋាន ហើយលោកមិនដែល ព្រងើយកន្តើយ ចំពោះ ប្រជាពលរដ្ឋ ដែលជួបការលំបាកឡើយ ៕
ដោយះ គេហទំព័រ សម្លេងជាយដែន
https://www.cdv-news.com/