ទំនាក់ទំនងព័ត៌មាន និងផ្សាយពាណិជ្ជកម្ម Tel: 012 49 42 11 / 097 95 55 584 E-mail: cheaydenvoice-news@gmail.com
ព័ត៌មាន​ថ្មី
រាជរដ្ឋាភិបាលទទួលបានថវិកាពីសប្បុរសជនសរុបជាង៥៧លានដុល្លារ ដើម្បីទិញវ៉ាក់សាំងកូវីដ១៩ ចាក់ជូនពលរដ្ឋដោយឥតគិតថ្លៃ !!!! »» ប្រសាសន៍សំខាន់ៗរបស់ ឧត្តមសេនីយ៍ឯក  ហ៊ុន ម៉ាណែត  អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ថ្លែងក្នុងពិធីបញ្ចុះបឋមសិលាសាងសង់សំណង់បចេ្ចកទេសលោតឆត្រយោង សម្ពោធសមិទ្ធផល បិទវគ្គហ្វឹកហ្វឺនជំនាញកុម្ម៉ង់ដូ ជំនាន់ទី១០ វគ្គហ្វឹកហ្វឺនជំនាញឆត្រយោង ជំនាន់ទី២៩ និងបើកវគ្គហ្វឹកហ្វឺនជំនាញឆត្រយោង ជំនាន់ទី៣០, ខេត្តកំពង់ស្ពឺ, ថ្ងៃទី១៤ ខែមករា ឆ្នាំ២០២១ !!!!! »» ប្រសាសន៍សំខាន់ៗរបស់ ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ថ្លែងក្នុងពិធីបញ្ចុះបឋមសិលាសាងសង់សំណង់បចេ្ចកទេសលោតឆត្រយោង សម្ពោធសមិទ្ធផល បិទវគ្គហ្វឹកហ្វឺនជំនាញកុម្ម៉ង់ដូ ជំនាន់ទី១០ វគ្គហ្វឹកហ្វឺនជំនាញឆត្រយោង ជំនាន់ទី២៩ និងបើកវគ្គហ្វឹកហ្វឺនជំនាញឆត្រយោង ជំនាន់ទី៣០, ខេត្តកំពង់ស្ពឺ, ថ្ងៃទី១៤ ខែមករា ឆ្នាំ២០២១ !!!!! »» សហរដ្ឋអាមេរិកនឹងចាត់ទុកក្រុម Houthi នៅយ៉េមែន «ជាក្រុមភេរវករ» ​​​​!!!!!! »» សមាជ​គណបក្សពលបក្ស​កូរ៉េ​ខាងជើង​បាន ពិភាក្សាអំពីកូរ៉េខាងត្បូង និង​និងគោលនយោបាយការបរទេស !!!!!! »» ប្រទេសម៉ាឡេស៊ី ប្រកាសដាក់រដ្ឋចំនួន៥ និងទឹកដីសហព័ន្ធចំនួន៣ ទៀត ឲ្យស្ថិតនៅក្រោមវិធានការរឹតបន្តឹងលើការធ្វើដំណើរ(MCO) ដើម្បីទប់ស្កាត់កូវីដ-១៩ ដែលកំពុងរីករាលដាលខ្លាំង !!!!! »» ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អញ្ជើញចូលរួមការប្រកួតកីឡាវាយកូនគោល អបអរសាទរទិវាជ័យជម្នះ ៧មករា !!!! »» លទ្ធផល​បង្ក្រាប​បទល្មើស​គ្រឿងញៀន​ទូ​ទាំង​ប្រទេស​ថ្ងៃ​ទី​០៧​ មក​រា​ ឃាត់ខ្លួន​ជន​ពាក់ព័ន្ធ​ ៥៧​នាក់​!!!!! »» ចូលរួមអបអរសាទរខួបលើកទី៤២ ទិវាជ័យជម្នះ ៧ មករា ឆ្នាំ ២០២១ !!!!!!!! »» ព្រឹទ្ធសភា​សហរដ្ឋ​អាមេរិក​បោះឆ្នោត​ជំទាស់​នឹង​ការ​តវ៉ា​ប្រឆាំង​លទ្ធផល​បោះឆ្នោត​ប្រធានាធិបតី​ក្នុង​រដ្ឋ Arizona !!!!!!

មហាបាតុកម្ម នៅបាងកក ទាមទារលទ្ធិប្រជាធិបតេយ្យ កំណែទម្រង់រដ្ឋធម្មនុញ្ញ ននិងស្ថាប័នព្រះមហាក្សត្រ កាន់តែមានសន្ទុះខ្លាំងឡើងៗ !!!

មហាបាតុកម្ម នៅបាងកក ទាមទារលទ្ធិប្រជាធិបតេយ្យ កំណែទម្រង់រដ្ឋធម្មនុញ្ញ ននិងស្ថាប័នព្រះមហាក្សត្រ កាន់តែមានសន្ទុះខ្លាំងឡើងៗ !!!

មហាបាតុកម្ម នៅបាងកក ទាមទារលទ្ធិប្រជាធិបតេយ្យ កំណែទម្រង់រដ្ឋធម្មនុញ្ញ ននិងស្ថាប័នព្រះមហាក្សត្រ កាន់តែមានសន្ទុះខ្លាំងឡើងៗ !!!

ប្រែសម្រួលដោយះ លោក ភៀង សុភា (ប្រភពពីReuters)
ចេញផ្សាយថ្ងៃពុធ ១២រោច ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ១៤ ខែតុលាឆ្នាំ ២០២០
ព័ត៌មានអន្តរជាតិ

Reuters:

នៅទីក្រុងបាងកក ព្រះរាជាណាចក្រថៃ ពេញមួយថ្ងៃ​សៅរ៍ទី​ ១៤ខែ តុលាឆ្នាំ២០២០នេះ ប្រជាជនថៃ ភាគច្រើនជាយុវជនជាច្រើនម៉ឺននាក់ បាននាំគ្នាដង្ហែរក្បួន​បាតុកម្មដ៏ធំសម្បើម ដើម្បីទាមទារការវិលត្រលប់មកវិញ នូវលទ្ធិប្រជាធិបតេយ្យ និង​ការ​ធ្វើកំណែទម្រង់​ស្ថាប័នព្រះមហាក្សត្រ ។​ ក្រុម​បាតុករ មានគម្រោង​បន្ត​ មហាបាតុកម្មនេះ នៅថ្ងៃបន្តទៀត បើទោះបីជា​ត្រូវប្រឈម នឹងការគំរាមបង្រ្កាប ពីសំណាក់អាជ្ញាធរ យ៉ាងណាក៏ដោយ ។

បាតុករអះអាងថា មានគ្នាចូលរួម ២០ ម៉ឺននាក់ យោងតាមប្រភពពីអ្នកយកព័ត៌មានបារាំង ដែលមានវត្តមាន​នៅទីក្រុងបាងកកផ្ទាល់ គឺក្រុមបាតុករបានចាប់ផ្តើមជួបជុំគ្នា តាំងតែពីម៉ោង ៨-៩ ព្រឹកម្លេះ បើទោះបីជាមេឃរលឹក អ្នកខ្លះកាន់ឆ័ត្រ អ្នកខ្លះបាក់អាវភ្លៀង ។ នៅតាមបណ្តាញសង្គម ក្រុមបាតុករ អះអាងថា មហាបាតុកម្មនៅថ្ងៃនេះ គឺជាបាតុកម្មដ៏ធំបង្អស់ គិតចាប់ពីឆ្នាំ ២០១៤ មក នៅពេល​ដែលមានរដ្ឋប្រហារយោធា ដឹកនាំដោយក្រុមរបស់​លោក​ ប្រាយុទ្ធ ចាន់អូចា ។ នរគរបាលថៃ បានត្រៀមកំលាំងមិនតិចជាង ១ ម៉ឺននាក់ទេ ។

មានបាតុករជាច្រើនពាន់នាក់ បានចាប់ផ្តើមសំដៅ ដើរទៅ​សកលវិទ្យាល័យថាម៉ាសាត ។ បរិវេណ សកលវិទ្យាល័យ ត្រូវបិទចាក់សោរ តែក្រុមបាតុករ ដែលភាគច្រើនសុទ្ធតែជាយុវជន សិស្សនិស្សិត បាននាំគ្នាសម្រុក ផ្លោះរបងចូលទៅខាងក្នុងទីលាន​នៃសកលវិទ្យាដ៏ធំនេះ ។ ទីបំផុតម៉ោង ប្រមាណជា ​១២ ថ្ងៃត្រង់ សកលវិទ្យាល័យបានសម្រេចបើកទ្វាររបង ឲ្យ​បាតុករចូលទៅក្នុងនោះ ។ ទីលាន​សកលវិទ្យាល័យថាម៉ាសាតនេះ​ មានន័យជានិម្មិតរូបសំខាន់ណាស់ សម្រាប់ការទាមទារលទ្ធិប្រជាធិបតេយ្យ ព្រោះថាទីនោះហើយ ដែល​កាលពី​ថ្ងៃទី ​៦ តុលា ឆ្នាំ ១៩៧៦ សមត្ថកិច្ច​ថៃ បានបាញ់សម្លាប់​និស្សិតថៃជាច្រើននាក់ បន្ទាប់ពីពួកគេបានទាមទារលទិ្ធប្រជាធិបតេយ្យ ។

នៅម៉ោង ប្រហែលជា​ ៣ រសៀល ក្រុមបាតុករ បាននាំគ្នាចេញពី សកលវិទ្យាល័យថាម៉ាសាត ដើរ​សំដៅទៅ​ទីលាន សាណាមលួង ដែល គឺជាទីលានវាលព្រះមេរុ នៅក្បែរព្រះបរមរាជវាំងថៃ និងតុលាការកំពូលថៃ ។ ក្រុមបាតុករ ដើរបណ្តើរ លើកដៃម្រាម ៣ បណ្តើរ ជាសញ្ញានៃចលនាទាមទាររបស់ពួកគេ ។ អ្នកខ្លះកាន់បដា សរសេរថា « ប្រាយុទ្ធ ចុះចេញទៅ » បដាខ្លះសរសេរថា « ត្រូវ​តែរំលំរបបផ្តាច់ការ » ឯបដាខ្លះទៀត សរសេរថា « ជ័យោលទ្ធិប្រជាធិបតេយ្យ » ។

នៅទីលានសាណាមលួង នរគរបាលថៃ បានព័ទ្ធមិនឲ្យ​បាតុករចូលទៅក្នុងទីលានវាលស្មៅទេ ដោយទុកឲ្យ​បាតុករ នៅឈរតាមគែមចិញ្ចឹមថ្នល់ ជុំវិញ​ទីលានតែប៉ុណ្ណោះ ។ ព័ត៌មានចុងក្រោយ​ នៅម៉ោងប្រមាណ​ ៥ ល្ងាច កាលពីថ្ងៃទី១២ខែតុលាឆ្នាំ២០២០គឺមានការប្រទាញប្រទង់គ្នា រវាងបាតុករ និងសមត្ថកិច្ច ដោយទីបំផុត ក្រុមបាតុករ បានសម្រុកចូលទៅ​លើ​វាលស្មៅ នៃទីលានសាណាមលួង ដោយនគរបាល​បានដកថយ តែបានដាក់រនាំងចំងាយ​ ១៥០ ម៉ែត្រ មិនឲ្យ​បាតុករចូលក្បែររបងព្រះបរមរាជវាំងទេ ។

បើតាមការ​ប៉ាន់ស្មានរបស់សមត្ថកិច្ចថៃ បាតុករមានចំនួន​ប្រហែល`២ ម៉ឺននាក់​ នៅទីលាននេះ ។ តែក្រុមបាតុករវិញ អះអាងថា មានគ្នាដល់ទៅ ២០ ម៉ឺននាក់ឯណោះ ។ នេះបើផ្អែកតាមចុះផ្សាយរបស់បណ្តាញព័ត៌មានបាងកកប៉ុស្តិ ។ “ប្រាយុទ្ធត្រូវចុះចេញពីតំណែង និងត្រូវ​ធ្វើ​កំណែទម្រង់ស្ថាប័នព្រះមហាក្សត្រ”បាតុកម្មនេះ គឺមានកម្មវត្ថុទាមទារ ឲ្យ​មានការវិលត្រលប់មកវិញ នូវលទ្ធិប្រជាធិបតេយ្យ ។ ពោល គឺលទ្ធិប្រជាធិបតេយ្យ ដែលមាននៅមុនពេល​ រដ្ឋប្រហារយោធា ដឹកនាំដោយលោក ប្រាយុទ្ធ ចាន់អូចា ។ ក្រុមបាតុករ បានចាត់ទុកថា របបសឹកថៃបាន មកបំផ្លាញ​លទ្ធិប្រជាធិបតេយ្យ ហើយចុងក្រោយបង្អស់ គឺការធ្វើកំណែទម្រង់រដ្ឋធម្មនុញ្ញថៃ នៅឆ្នាំ ២០១៧ ដែលបានបើកដៃ ផ្តល់អំណាចយ៉ាងទូលាយ ទៅឲ្យ​ក្រុមកងទ័ពថៃ ។

អ្វីដែលជាការទាមទារជាក់ស្តែង របស់ក្រុមបាតុករ គឺទាមទារឲ្យ​លោក ប្រាយុទ្ធ ចាន់​អូចា ចុះចេញពីតំណែង ដើម្បីរៀបចំការបោះឆ្នោតជាថ្មី ។ បាតុករ​ទាមទារ ឲ្យរំលាយ​រដ្ឋសភាបច្ចុប្បន្ននេះចោល និងត្រូវ​រៀបចំ ធ្វើ​កំណែទម្រង់រដ្ឋធម្មនុញ្ញឡើងវិញ ដើម្បីស្តារលទ្ធិប្រជាធិបតេយ្យ បែងចែកអំណាច ឲ្យ​មាន​តុល្យភាព ។ បាតុករ ក៏ទាមទារផងដែរ ឲ្យ​បិទបញ្ចប់ រាល់ការធ្វើទុកបុកម្នេញ ការគំរាមការ​សំឡុត ទៅលើសកម្មជននយោបាយ​ប្រឆាំង ។

មួយទៀត អ្វីដែលជាការទាមទារ ប្រកបដោយភាពក្លាហាន របស់ក្រុមបាតករ គឺធ្វើកំណែទម្រង់​ស្ថាប័នព្រះមហាក្សត្រថៃ ដែលពួកគេចាត់ទុកថា កាន់តែផ្តាច់ការខ្លាំងឡើង និង​គ្មានភាពសុក្រិត្យ ។ ពួកគេ​ទាមទារ ឲ្យរៀបចំយន្តការថ្មី ដើម្បីកុំឲ្យ​ព្រះមហាក្សត្រ លូកដៃប្រើបឥទ្ធិពល មកលើ​នយោបាយ​ជាតិ ត្រូវ​លប់​ចោល​ច្បាប់ប្រមាថព្រះចេស្តាព្រះមហាក្សត្រ និងត្រូវ​រៀបចំយន្តការច្បាប់មួយទៀត គ្រប់គ្រងទ្រព្យសម្បត្តិរបស់​ព្រះបរមរាជវាំង ឲ្យ​មកស្ថិតក្នុងទ្រព្យសម្បត្តិជាតិ ។

+ បាតុកម្មយុវជន អាចនាំប្រជាជនថៃគ្រប់មជ្ឈដ្ឋា​ ឲ្យចូលរួមដែរឬទេ?តើចលនាបាតុកម្មនេះ អាចធ្វើឲ្យ​អំណាចនយោបាយ​ ដឹកនាំដោយក្រុមយោធាបច្ចុប្បន្ននេះ មានការខ្លាចរអារ ដែរ ឬទេ ។ លោកស្រី  Christine Cabasset អ្នកស្រាវជ្រាវសិក្សាតំបន់អាស៊ីអាគ្នេយ៍ បានលើកឡើងថា បាតុកម្មនេះ មានឥទ្ធិពល ឬគ្មាន គឺវាអាស្រ័យថាតើ វាមានទំហំប៉ុណ្ណា ហើយថាតើបាតុកម្មនេះ នឹងបានទទួលការចូលរួមភ្លូកទឹកភ្លូកដី ពីសំណាក់ ប្រជាជនថៃទូទៅដែរ ឬទេ ។

ដូចយើងដឹងហើយ ថា​បាតុករដែលដែលធ្វើចលនាបាតុកម្ម ប៉ុន្មានខែមកនេះ គឺភាគច្រើនជាយុវជន និស្សិតក្មេងៗ ហើយ​នៅតែក្រុងបាងកកទៀត ។ ដូច្នេះ សំណួរសួរថា តើប្រជាជនថៃ គ្រប់មជ្ឈដ្ឋានផ្សេងទៀត នៅតាមខេត្តក្រុងផ្សេងៗ គិតយ៉ាងណា ហើយនឹងចូលរួមដែរ ឬទេ? ។នៅថ្ងៃសោរ៍ទី ១៩ កញ្ញា​ លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រី បានចេញលិខិតប្រកាសតូចមួយ​ ដោយបានលើកឡើងថា « យុវជនថៃធ្វើបាតុកម្មច្រើនសប្តាហ៍​មកនេះ គឺដោយសារពួកគេ សម្លឹងឃើញអនាគត គ្មានពន្លឺ គ្មានសិទ្ធិសេរីភាព » ។

ជាការពិត ការទាមទាររបស់យុវជនថៃ ប៉ុន្មានចំណុច ជាពិសេសទាក់ទិននឹង​ស្ថាប័នព្រះមហាក្សត្រថៃនេះ គឺជាការទាមទារធំៗ សម្បើមណាស់ ដែលមិនដែលមាន​នរណាហ៊ានធ្វើទេពីមុនមក ។ ក៏ប៉ុន្តែ ការទាមទារនេះ ក៏ត្រូវបាន​ក្រុមសាស្ត្រាចារ្យសកលវិទ្យាថៃ ជាច្រើនរយអ្នក ធ្វើញត្តិចុះហត្ថលេខាគាំទ្រដែរ ។ អ្នកស្រី Panusaya Sithijirawattanakul តំណាងក្រុមបាតុករ បានលើកឡើង​ថា អ្វីដែលពួកគេទាមទារ គឺគ្មានកម្មវត្ថុ​ បំផ្លាញស្ថាប័នព្រះមហាក្សត្រ ជាទីគោរពសក្ការៈនោះទេ ។​ តែគឺដើម្បីធ្វើទំនើបកម្មស្ថាប័ននេះ ដើម្បីឆ្លើយតបទៅ នឹងការវិវឌ្ឍន៍នៃសង្គមថៃ ។បើគិតចាប់ពីមានចលនាបាតុកម្មនេះ នៅខែមិថុនាមក គឺមានមនុស្ស​ជាង​ ២០ នាក់ហើយ ដែល​ត្រូវបានឃាត់ខ្លួន និងចោទពីបទធ្វើសកម្មភាពបះបោរ បង្កអសន្តិសុខសង្គម ។ សំណួរសួរថា តើសមត្ថកិច្ចរដ្ឋាភិបាលថៃ នឹងបន្ធូរដៃឲ្យ​បាតុកម្មនេះ បន្តរហូតដល់ពេលណា? តាមការគ្រោងទុក នៅថ្ងៃអាទិត្យទី​ ២០ កញ្ញា បាតុករ នឹងធ្វើការជួបជុំគ្នាទៀត​ នៅខាងមុខវិមានរដ្ឋាភិបាលតែម្តង ដើម្បី​ដាក់​ញត្តិទៅរដ្ឋាភិបាល​ នូវចំណុចដែលគេទាមទារ ៕

ដោយះ គេហទំព័រ សម្លេងជាយដែន
https://www.cdv-news.com/

Filed in: ព័ត៌មានជាតិ, ព័ត៌មានថ្មី, ព័ត៌មានសំខាន់, ព័ត៌មាន​អន្តរជាតិ
សូម​ទាក់​ទងផ្សាយពាណិជ្ជកម្ម​ តាមទូរស័ព្ទលេខ 012 49 42 11 / 097 95 55 584

រក្សាសិទ្ធិ​គ្រប់យ៉ាង ដោយសារព័ត៌មាន និងគេហទំព័រ "សម្លេងជាយដែន"

សារព័ត៌មាន "សម្លេងជាយដែន" ដំណើរការ​តាមប្រកាសលេខ ៤៩១ ពមប្រក ចុះថ្ងៃទី ០១ ខែតុលា ឆ្នាំ ២០១៤

ទីស្នាក់ការ ស្ថិតនៅភូមិទួលពង្រ​ សង្កាត់ផ្សារកណ្តាល​ ក្រុងប៉ោយប៉ែត ខេត្តបន្ទាយមានជ័យ

Tel: 012 49 42 11 / 097 95 55 584

Copyright © 2015 Cheayden Voince News, All right Reserved