ទីភ្នាក់ងារស៊ើបការណ៍សម្ងាត់(CIA) បានអោយដឹងថាបហរទេស អ៊ីរ៉ង់និងរុស្ស៊ីបានចាប់ផ្ដើមវាយប្រហារជាថ្មីលើការ បោះឆ្នោតនៅ សហរដ្ឋអាមេរិក !!!!!
ដកស្រង់ចេញពី VOA : ដោយះ លោក ពេជ្រ ចាន់វិជ្ជា
ចេញផ្សាយថ្ងៃសៅរ៍ ៨កើត ខែកក្កិត ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី ២៤ ខែ តុលា ឆ្នាំ ២០២០
ព័ត៌មានអន្តរជាតិ
រដ្ឋធានីវ៉ាស៊ីនតោន :
ទីភ្នាក់ងារស៊ើបការណ៍សម្ងាត់សហរដ្ឋអាមអាមេរិកបានចោទប្រកាន់ប្រទេសអ៊ីរ៉ង់និងរុស្ស៊ីថាបានព្យាយាមប្រើទិន្នន័យនៃការចុះឈ្មោះបោះឆ្នោត ដើម្បី «ប៉ុនប៉ងខ្លាំងក្លា» ធ្វើឲ្យមានភាពចលាចល និងភាពច្របូកច្របល់នៅមុនការបោះឆ្នោតប្រធានាធិបតីសហរដ្ឋអាមេរិកចូលមកដល់នៅថ្ងៃទី ៣ ខែវិច្ឆិកាខាងមុខ។
លោក John Ratcliffe នាយកស៊ើបការណ៍សម្ងាត់ជាតិសហរដ្ឋអាមេរិក បានធ្វើការប្រកាសដូចនេះក្នុងអំឡុងពេលនៃការធ្វើសន្និសីទកាសែតតាមទូរស័ព្ទដ៏បន្ទាន់មួយកាលពីយប់ថ្ងៃពុធ ក្នុងគោលបំណងធានាជូនចំពោះពលរដ្ឋអាមេរិកាំង និងសន្យាធ្វើឲ្យមាន «ផលវិបាក» ចំពោះប្រទេសណាដែលជ្រៀតជ្រែកនៅក្នុងការបោះឆ្នោត។
លោកនិយាយដូច្នេះថា៖ «យើងបានបញ្ជាក់ថា ព័ត៌មានចុះឈ្មោះបោះឆ្នោតខ្លះ ត្រូវបានប្រទេសអ៊ីរ៉ង់ទទួលបាន ហើយរុស្ស៊ីក៏ទទួលបានដាច់ដោយឡែកពីនេះដែរ»។ លោកបានបន្ថែមថា ប្រទេសទាំងពីរនេះ «បានចាត់វិធានការជាក់លាក់ដើម្បីជះឥទ្ធិពលលើមតិសាធារណៈទាក់ទិនទៅនឹងការបោះឆ្នោតរបស់សហរដ្ឋអាមេរិក»។
លោក Ratcliffe មិនបាននិយាយថាតើរុស្ស៊ីប្រើប្រាស់ព័ត៌មាននេះយ៉ាងដូចម្តេចទេ ក៏ប៉ុន្តែបានចោទប្រកាន់អ៊ីរ៉ង់ថាស្ថិតនៅពីក្រោយសកម្មភាពបែបនេះនៅក្នុងរយៈពេល ២៤ ម៉ោងកន្លងមក ដោយលោកបាននិយាយថា សកម្មភាពខ្លះគឺធ្វើឡើងដើម្បីធ្វើឲ្យប៉ះពាល់ដល់លោកប្រធានាធិបតី Donald Trump។
លោកបញ្ជាក់ដូច្នេះថា៖ «យើងបានឃើញរួចហើយថា អ៊ីរ៉ង់បានផ្ញើអ៊ីមែលដែលរៀបចំឡើងដើម្បីគំរាមកំហែងអ្នកបោះឆ្នោត ញុះញង់ឲ្យមានភាពចលាចលនៅក្នុងសង្គម និងធ្វើឲ្យប៉ះពាល់ដល់លោកប្រធានាធិបតី Trump»៕
ដោយះ គេហទំព័រ សម្លេងជាយដែន
https://www.cdv-news.com/
