ថ្ងៃទី០២ខែធ្នូ ឆ្នាំ២០២០ ជាថ្ងៃ អបអរសាទរខួបលើកទី៤២ ថ្ងៃកំណើត ស.ស.យ.ក.(សហភាពសហព័ន្ធ យុវជនកម្ពុជា ) !!!!
ដោយះ លោក ភួង មុនីរដ្ឋ
ចេញផ្សាយថ្ងៃ ពុធ ២រោច ខែមិគសិរ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី០២ ខែធ្នូ ឆ្នាំ ២០២០
ព័ត៌មានជាតិ
រាជធានីភ្នំពេញ:
នៅថ្ងៃទី២ ខែធ្នូ ឆ្នាំ២០២០ ជាខួបលើកទី៤២ ថ្ងៃកំណើត សហភាពសហព័ន្ធយុវជនកម្ពុជា (ស.ស.យ.ក.) ថ្ងៃទី២ ធ្នូ ១៩៧៨ – ថ្ងៃទី២ ធ្នូ ២០២០ ) ។
ថ្ងៃទី២ ខែធ្នូ ឆ្នាំ១៩៧៨ ! គឺជាថ្ងៃដែលឥស្សរជនស្នេហាជាតិ បានលះបង់តស៊ូ យកជីវិតធ្វើជាដើមទុន ដើម្បីរំដោះប្រទេសជាតិ ចេញពីរបបអាវខ្មៅប្រល័យពូជសាសន៍ ៣ឆ្នាំ ៨ខែ ២០ថ្ងៃ របស់ ប៉ុល ពត ។
ថ្ងៃទី២ ខែធ្នូ ឆ្នាំ១៩៧៨ ! ត្រូវបានចារឹកទុកជាទិវាប្រវត្តិសាស្ត្រដ៏សំខាន់មួយរបស់ប្រទេសកម្ពុជា ដើម្បីរម្លឹកដល់ការបង្កើត”រណសិរ្សសាមគ្គី សង្រ្គោះជាតិកម្ពុជា” ឬហៅកាត់ថា “រណសិរ្ស ២ធ្នូ” ។
រណសិរ្ស ២ធ្នូ កើតឡើងដោយសារកម្លាំងមហាសាមគ្គី នៃប្រជាជនកម្ពុជាទាំងក្នុង និងក្រៅប្រទេស ដែលដឹកនាំដោយឥស្សរជនស្នេហាជាតិសំខាន់ ៣រូប គឺសម្តេចអគ្គមហាពញាចក្រី ហេង សំរិន សម្តេចអគ្គមហាធម្មពោធិសាល ជា ស៊ីម និងសម្តេចអគ្គមហាសេនាបតីតេជោ ហ៊ុន សែន ។
ផ្តើមចេញពីរណសិរ្ស ២ធ្នូ នោះហើយ ដែលនាំឲ្យមានការឈានទៅរំដោះប្រទេសជាតិពីរបបអាវខ្មៅប្រល័យពូជសាសន៍ ប៉ុល ពត នៅថ្ងៃទី៧ ខែមករា ឆ្នាំ១៩៧៩ ។
ក្រោយថ្ងៃរំដោះ ៧ មករា ១៩៧៩ ប្រជាជនខ្មែរយើង បានរស់រានមានជីវិតសារជាថ្មី (កំណើតទី២) ប៉ុន្តែកម្ពុជា មិនទាន់ទទួលបានសុខសន្តិភាពពេលលេញនៅឡើយ រហូតដល់ឆ្នាំ១៩៩៨ ទើបប្រទេសយើង ទទួលបានសុខសន្តិភាពពិតប្រាកដ ក្រោមនយោបាយឈ្នះ-ឈ្នះ ដែលមានសម្តេចតេជោ ហ៊ុន សែន ជាស្ថាបនិក។
ដោយសារសន្តិភាពនេះហើយ ទើបធ្វើឲ្យយើងមានលទ្ធភាពកសាង និងអភិវឌ្ឍប្រទេសជាតិ មានការរីកចម្រើន រហូតដល់សព្វថ្ងៃ ។ ដូច្នេះយើងទាំងអស់គ្នាត្រូវតែរួមគ្នាការពារសន្តិភាពដែលយើងកំពុងមាន នាពេលនេះ ។
ក្នុងនាមជាយុវជនជំនាន់ក្រោយមួយរូប ខ្ញុំបានយល់យ៉ាងច្បាស់ពីពលិកម្មមិនអាចកាត់ថ្លៃ របស់យុវជនជំនាន់មុន ក្នុងការតស៊ូរំដោះប្រទេសជាតិ ការស្វែងរកសុខសន្តិភាព និងការអភិវឌ្ឍប្រទេស មកដល់បច្ចុប្បន្ន ។ ដូច្នោះខ្ញុំប្តេជ្ញាចងចាំ និងរក្សាឲ្យបាននូវស្មារតី ២ធ្នូ នេះតទៅថ្ងៃមុខ ហើយនឹងបន្តនូវបេសកកម្មរបស់ខ្លួន ការពារឲ្យបានដាច់ខាតនូវភាពសុខដុមរមនា បូរណភាពទឹកដី និងអធិបតេយ្យភាពជាតិ ចូលរួមក្នុងការអភិវឌ្ឍសេដ្ឋកិច្ចជាតិ និងបន្តសកម្មភាពការងារស្ម័គ្រចិត្ត របស់សហភាពសហព័ន្ធយុវជនកម្ពុជា ក្នុងតួនាទីជាអនុប្រធាន ជានិច្ចនិរន្តរ៍តទៅ ៕
ដោយះ គេហទំព័រ សម្លេងជាយដែន
https://www.cdv-news.com/