ឯកឧត្តម ប៉ាន់ខែម ប៊ុនថន បានចូលរួមលើកទឹកចិត្ត និងបានពាំនាំនូវការផ្តាំសួរសុខទុក្ខពីសម្តេតេជោហ៊ុនសែននិងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែនដល់សកម្មជនទាំងអស់ដែលតែងតែចូលរួមជាប្រចាំក្នុងការផ្សព្វផ្សាយនូវភាពរីកចម្រើនរបស់ប្រទេសជាតិ និងជីវភាពប្រជាជនក្រោមម្លប់សន្តិភាព ដែលដឹកនាំដោយសម្តេចតេជោនាយករដ្ឋមន្ត្រី ព្រមជាមួយគោលនយោបាយច្បាស់ការរបស់គណបក្សប្រជាជនកម្ពុជា !!!!
ដោយះ លោក ភៀង សុភា
ចេញផ្សាយថ្ងៃ ព្រហស្បត៍ ១៥ រោច ខែអាសាឍ ឆ្នាំខាលចត្វាស័ក ពុទ្ធសករាជ ២៥៦៦ ត្រូវនឹងថ្ងៃទី២៨ ខែកក្កដា ឆ្នាំ២០២២
ព័ត៌មានជាតិ
(រាជធានីភ្នំពេញ)៖
នាព្រឹកថ្ងៃទី សុក្រ ១កើត ខែស្រាពណ៏ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៩ ខែកក្កដា ឆ្នាំ២០២២នេះ នៅវិមាន៧មករា មានពិធីជួបជុំសំណេះសំណាលរវាងវាគ្មិនសំឡេងការពិតដើម្បីប្រជាជនជាមួយប្រិយមិត្តសកម្មរួមជាមួយក្រុមការងារគ្រប់គ្រងផេក និងក្រុមការងារបច្ចេកទេសផេកយុវជន៧មករា ក្រុមការងារគណៈកម្មាធិការគណបក្សមូលដ្ឋានគ.៩៨ ក្រោមអធិបតីភាពឯកឧត្តមប៉ាន់ខែម ប៊ុនថន ឯកឧត្តម ជុំ កុសល ឯកឧត្តម ជា ច័ន្ទបរិបូរណ៍ និងឯកឧត្តម សេង សុមុនី ។
ក្នុងឱកាសនោះឯកឧត្តម ប៉ាន់ខែម ប៊ុនថន បានលើកទឹកចិត្ត និងបានពាំនាំនូវការផ្តាំសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ជូនចំពោះប្រិយមិត្តសកម្មជនទាំងអស់ដែលតែងតែចូលរួមជាប្រចាំក្នុងការផ្សព្វផ្សាយនូវភាពរីកចម្រើនរបស់ប្រទេសជាតិ និងជីវភាពប្រជាជនក្រោមម្លប់សន្តិភាព ដែលដឹកនាំដោយសម្តេចតេជោនាយករដ្ឋមន្ត្រី ព្រមជាមួយគោលនយោបាយច្បាស់ការរបស់គណបក្សប្រជាជនកម្ពុជា។
ជាមួយគ្នានោះឯកឧត្តម ជុំ កុសល ឯកឧត្តម ជា ចន្ទ័បរិបូណ៌ និងឯកឧត្តម សេង សុមុនី ក៏បានសម្តែងនូវការកោតសរសើរចំពោះឆន្ទៈចូលរួមដោយស្ម័គ្រស្មោះរបស់ប្រិយមិត្តក៏ដូចជាក្រុមការងារ ជាពិសេសបានរំលេចអំពីភាពរឹងមាំរបស់គណបក្សប្រជាជនកម្ពុជាក្នុងបុព្វហេតុដើម្បីជាតិនិងប្រជាជនកម្ពុជា។
បងប្អូនប្រិយមិត្តខ្លះគាត់ជាជនពិការ ប៉ុន្តែពួកគាត់បានបញ្ជាក់ក្នុងគោលជំហរច្បាស់ការថា ពួកគាត់ពិការតែកាយសម្បទា ប៉ុន្តែបេះដឹង និងទឹកចិត្តមិនពិការឡើយ ហើយពួកគាត់បានដឹងយ៉ាងច្បាស់នូវសច្ចភាពសង្គម ដែលកំពុងមានការអភិវឌ្ឍន៍លើគ្រប់វិស័យ ក្រោមការដឹកនាំរបស់គណបក្សប្រជាជនកម្ពុជា។ ជាមួយគ្នានេះពួកគាត់រឹតតែមានសេចក្តីរំភើបយ៉ាងក្រៃលែងដោយសម្តេចតេជោ និងសម្តេចកិត្តិព្រឹទ្ធបណ្ឌិត លោកបានផ្តាំសួរសុខទុក្ខ និងលើកទឹកចិត្ត ដល់ពួកគាត់។ ក្នុងជំនួបនេះពួកគាត់ក៏បានកោតសរសើរខ្ពស់ចំពោះការខិតខំប្រឹងប្រែងរបស់ថ្នាក់ដឹកនាំកម្មវិធី និងឯកឧត្តមវាគ្មិនទាំង៥រូប រួមជាមួយក្រុមការងារបច្ចេកទេសនៃកម្មវិធីទាំងអស់៕
ដោយះ មជ្ឈមណ្ឌល ព័ត៌មាន ឈុន ពេជ្រ ជាយដែន
https://www.vnc-news.com/