សម្តេចធិបតី ហ៊ុន ម៉ាណែត ជួបពិភាក្សាការងារជាមួយអគ្គលេខាធិការអង្គការសហប្រជាជាតិ !!!!!
ដោយះ លោក ណាង រដ្ឋា
ផ្សាយថ្ងៃ សៅរ៍ ៩ កើត ខែ ភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី ២៣ ខែ កញ្ញា ឆ្នាំ២០២៣
(ញូវយ៉ក, អាមេរិក)៖
នៅព្រឹកថ្ងៃសុក្រ ទី២២ ខែកញ្ញា ឆ្នាំ២០២៣ ម៉ោងនៅញូវយ៉ក សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានជួបជាមួយលោក អង់តូនីញ៉ូ ហ្គូទែរ៉េស (António Guterres) អគ្គលេខាធិការអង្គការសហប្រជាជាតិ។
ក្នុងជំនួបនោះ សម្តេចធិបតី និងអគ្គលេខាធិការអង្គការសហប្រជាជាតិ បានពិភាក្សាលើការងារមួយចំនួនពាក់ព័ន្ធកម្មវិធីអភិវឌ្ឍន៍នៅកម្ពុជា ក៏ដូចជាបញ្ហានានាក្នុងក្របខណ្ឌតំបន់ និងអន្តរជាតិ។
ក្នុងឱកាសនោះ សម្តេចធិបតី បានសរសេរចំណាប់អារម្មណ៍ និហចុះហត្ថលេខាលើសៀវភៅក្រាំងមាសរបស់អង្គការសហប្រជាជាតិផងដែរ។
សូមបញ្ជាក់ថា លោក អង់តូនីញ៉ូ ហ្គូទែរ៉េស ជនជាតិពរទុយហ្គាល់ បានចាប់ផ្ដើមការងារជាអគ្គលេខាធិការអង្គសហប្រជាជាតិនៅថ្ងៃទី១ ខែមករា ឆ្នាំ២០១៧។ លោកបានជាប់ឆ្នោតអាណត្តិទី២ នៅថ្ងៃទី៨ ខែមិថុនា ឆ្នាំ២០២១។
អគ្គលេខាធិការអង្គការសហប្រជាជាតិ គឺជាអ្នកចាត់ចែងការងារទូទៅរបស់អង្គការសហប្រជាជាតិ៕
ដោយះ គេហទំព័រ សម្លេងជាយដែន
https://www.cdv-news.com/
