លោក សុខ ជំនោរ ភ្ជាប់ពាក្យភ្លែត ប្រកាស
រៀបការភ្លាម !
ដោយ លោក ចាន់សុ ៨ផាណារ៉ា
ថ្ងៃចន្ទ័ ទី០៧ ខែសីហា ឆ្នាំ២០១៧
ម៉ោង១៧និង៤៩នាទីល្ងាច
ព័ត៌មានសិល្បះ
រាជធានីភ្នំពេញះ
លោកសុខជំនោរនិងគូដណ្ដឹងរបស់លោកមានឈ្មោះ ស្រី សុរង្សី (FB: លោក សុខ ជំនោរ)។
ខុសពីអ្នកភ្ជាប់ពាក្យមួយចំនួនដែលភ្ជាប់ពាក្យទុកហើយមិនច្បាស់ថារហូតដល់ខែណាទើបអាចរៀបការ សម្រាប់លោក សុខ ជំនោរ ដែលជាអតីតគូស្នេហ៍ ក្រោមដំបូលតែមួយរបស់តារាចម្រៀងសុគន្ធនិសាបាន អះអាងថាលោកមិនទុកយូរទេ គឺនឹងរៀបការភ្លាមមិនអោយហួសពី៣ខែឡើង ក្រោយពីលោកនិងគូដណ្ដឹងសម្រេចចិត្តភ្ជាប់ពាក្យជាមួយគ្នា កាលពីថ្ងៃ ៦ សីហា ឆ្នាំ២០១៧មុននេះ។
លោកថាមិនទុកយូរទេដោយសារតែលោកក៏ មានវ័យច្រើន ហើយគូដណ្ដឹងក៏ចង់ការឆាប់ ក្នុងពេលដែល លោក និងគូស្នេហ៍ ព្រមទាំងគ្រួសារទាំងសងខាងក៏បាន ជជែកគ្នាច្បាស់ជុំវិញរឿងនេះតាំងពីមុនភ្ជាប់ពាក្យ។ លោក សុខ ជំនោរ និយាយថផ្អែកតាមការព្រមព្រៀង គឺ លោកនិងគូដណ្ដឹងនឹងសម្រេចចិត្តរៀបការក្នុង ទ្រង់ទ្រាយ ធំនៅអំឡុុងខែ១១ក្នុងឆ្នាំ២០១៧ខាងមុខ នេះហើយដោយគ្រាន់តែមិនទាន់ច្បាស់ថ្ងៃព្រោះតែត្រូវរង់ ចាំអោយលោកអាចារ្យលោកដេញវេលាអោយបានប្រាកដប៉ុណ្ណោះ។
លោកសម្ដែងអារម្មណ៍រីករាយដែលបានកូនក្រមុំស្រស់ស្អាតមកធ្វើជាគូស្នេហ៍ ក្នុងពេលដែលនាងក៏ត្រូវបានទម្លាយថាគឺជាកូនអ្នកមាន គួរសមនិង មានការងារកាលីបផងនៅក្នុងវិស័យឯកជន។
លោកថាឪពុករបស់គូដណ្ដឹងលោកគឺជាវិស្វករ ហើយម្ដាយរបស់នាងគឺជាសាស្រ្តាចារ្យមួយរូប ដោយគ្រួសាររបស់នាងជាអ្នកភ្នំពេញដែលមានជីវភាពល្អប្រសើរ ក្នុងពេលមិនទាន់រាប់បញ្ចូលលើសមត្ថភាពផ្ទាល់ខ្លួនរបស់នាងនោះផង។
លោកថាបានស្គាល់ទាក់ទង ជាមួយនាង ប្រមាណជា២ឆ្នាំមកហើយ តាមរយៈការទំនាក់ទំនង រឿងការងារអោយនាងរៀបចំឯកសារពន្ធដានិងឯកសារ ផ្សេងៗនៅក្នុងធនាគារ ក្នុងពេលដែលលោកសម្រេចបើកផលិតកម្មផ្ទាល់ខ្លួនគឺផលិតកម្ម BigK ក្រោយបញ្ចប់ ការងារនៅហង្សមាស។
លោកថាគូដណ្ដឹងរបស់លោកគឺបុគ្គលិករបស់ធានាគារខាងផ្នែករៀបចំឯកសារទាំងអស់នោះ ទើបធ្វើអោយលោកនិងនាងកាន់តែស្គាល់គ្នាច្រើនឡើង។
យ៉ាងណាមិញលោកថានៅក្នុងដំណាក់កាលដំបូងៗការទំនាក់ទំនងជាមួយគ្នាគឺគ្រាន់តែពាក់ព័ន្ធនឹងឯកសារស្នាមប៉ុណ្ណោះ គឺរហូតដល់ពេលបន្តបន្ទាប់ដែលលោកនិងនាងកាន់តែមានជិតស្និទ្ធិគ្នាទើបអ្វីៗមានការប្រែប្រួល។
គាប់ជួនជានាងក៏នារីដែលនៅទំនេរបេះដូងនិង ចូលចិត្តលោកដោយមិនប្រកាន់ជុំវិញអតីតកាល របស់លោកនោះផងទើបទំនាក់ទំនងការងារបាន ក្លាយជាស្នេហាហើយឈានដល់ភ្ជាប់ពាក្យតែ ម្ដង កាលពីថ្ងៃទី៦ ខែសីហា ដោយមានចាស់ទុំយល់ព្រមទាំងសងខាង។
លោកថាសប្បាយចិត្តដែលបានគូដណ្ដឹងជាអ្នកជំនាញខាងផ្នែកឯកសារដោយក្នុងពេលអនាគត លោកបានប្រកាសថាពិតជាត្រូវពាក់ព័ន្ធគ្នាច្រើនដោយសារតែលោកមានការងារច្រើនត្រូវពាក់ព័ន្ធនឹរឿងឯកសារបែបនេះ។
លោក សុខ ជំនោរ ប្រកាសថាគូដណ្ដឹងរបស់ លោកមានឈ្មោះ ស្រី សុរង្សី មានវ័យ២៦ឆ្នាំ ដោយនាងដ្បិត ថាជាកូនស្រីស្ថិតក្នុងត្រកូលធូរធារតែក៏ចេះម្ចាស់ការ ខ្លួនឯងតាំងពីបានរៀនចប់និងមានសម្ដីសម្ដៅគួរអោយស្រឡាញ់ ទើបលោកសម្រេចចិត្ត ស៊ើបចិត្តរហូត បានក្លាយជាគូស្នេហ៍។ នាងនិងលោកដ្បិតថាបាន ចំណាយពេលសិក្សាគ្នាត្រឹមតែ១ឆ្នាំចុងក្រោយមែន ប៉ុន្តែ លោកថាក្នុងពេលស្គាល់គ្នាជារបៀបការងារគឺយល់ពី គ្នាបានច្រើនហើយក៏ស្គាល់គ្នាច្បាស់ផងដែរ ទើបក្រោយការភ្ជាប់ពាក្យលោកបានប្រកាសថាអ្វីៗគឺមិនមែនជារឿងចៃដន្យរវាងគ្នានឹងគ្នា។
លោកសម្រេចចិត្តរៀបការនៅអំឡុងខែ១១ ដោយមិនមានគម្រោងអូសបន្លាយពេលពេលវេលាណា មួយទៀតទេ បើទោះជាក្នុងរយៈពេល៣ខែខាងមុខនេះ គឺ អាចធ្វើអោយលោកនិងនាងពិបាកក្នុងការចាត់ចែងពិធី មង្គលការតាមការគ្រោងទុកអោយបានរលូន។
លោកថាមង្គលការក្នុង ខែ១១ គឺពិតជាមិនសល់ ពេលច្រើននោះទេ ប៉ុន្តែលោកនិងនាងនឹងចាត់ចែង អោយបានល្អ ដោយសម្រេចធ្វើនៅអាគារ កោះពេជ្រ ហើយ នឹងធ្វើអោយមានលក្ខណៈធំដុំ ដ្បិតថាមិន ទាន់ច្បាស់រឿងធ្វើប៉ុន្មានតុ។ លោកថារវាងលោកនិងគូដណ្ដឹង សុទ្ធតែមានឆន្ទៈស្របគ្នាគឺរៀបមង្គលការអោយធំ ដោយសារ តែខាងស្រីជាកូនស្រីតែម្នាក់របស់អ្នកមានមុខមាត់ ក្នុងសង្គម ហើយលោកឯណេះ វិញក៏មិនដែលមាន ពិធីនិងចង់ធ្វើអោយធំដើម្បីអញ្ជើញតារាសិល្បៈនិង ភ្ញៀវកិត្តិយសដែលលោកបានស្គាល់ចូលរួមអោយបានច្រើន។
មានការប៉ាន់ស្មានថាមង្គលការរបស់ លោក សុខជំនោរនិងគូដណ្ដឹងពិតជាផ្អើល កោះពេជ្រ បើទោះ ជាលោកមិនមែនជាតារាសម្ដែងឬជាតារា ចម្រៀងយ៉ាងណាក៏ដោយ។ ដូចគ្នាដែរលោកបានប្រកាសថានឹងធ្វើអោយធំសម្រាប់មង្គលការរបស់ខ្លួននៅអំឡុងខែ១១ ខាងមុខ ថ្វីដ្បិតតែការរៀបចំគឺត្រូវដំណើរការតាំងពីពេលនេះនិងមានរយៈពេលមិនសល់ច្រើនប៉ុន្មានក្នុងការរៀបចំ។
លោកមិនមានគម្រោងបន្ថយដៃ ក្នុងការផលិត ភាពយន្តក្រោយពេលភ្ជាប់ពាក្យនោះទេ តែនឹងបន្ថែម ការងាររៀបចំមង្គលការមួយបន្ថែមទៀត ដើម្បីជួយសម្រួលការងារខាងស្រីអោយមង្គលការ ខែ១១ខាងមុខមាន ភាពរលូន។
ក្រោយពេលរៀបការ លោកបានប្រកាសថា រវាងលោកនិងគូដណ្ដឹងនឹងបន្តការងាររៀងខ្លួនដោយ សារតែគូដណ្ដឹងមិនចូលចិត្តការងារពាក់ព័ន្ធនឹងសិល្បៈឬគ្រប់គ្រងផលិតកម្មដែលលោកបានបើក។
ប៉ុន្តែបើថ្ងៃអនាគតនាងមានចំណូលចិត្តលើ ការងារនេះ នោះលោកក៏នឹងប្រគល់អោយនាងជួយចាត់ចែង ឬបើកអាជីវកម្មណាផ្សេងអោយនាងផងដែរដើម្បីពន្លឿន ជីវភាពគ្រួសារ អោយកាន់ តែលឿនក្នុង ការរក ចំណូល
។លោកសម្ដែងអារម្មណ៍ជឿជាក់១០០ភាគរយថានារីដែលលោកទើបភ្ជាប់ពាក្យជាមួយនឹងក្លាយជា គូស្នេហ៍ដល់ចាស់របស់ខ្លួនដោយអះអាងថានាងជានារី តែម្នាក់ដែលលោកទទួល ស្គាល់ពី តម្លៃចាប់តាំង ពីលោក និងអតីត គូស្នេហ៍ចាស់ ប្រេះឆាជា មួយគ្នា៕
ដោយះគេហទំព័រសម្លេងជាយដែន
http://www. cdv-news.net/